Диваажингийн хоригдлууд

Тэнд интернэт, утас, зурагт, хөгжим юу ч байхгүй гэнэ лээ. Тэндхийн хүмүүс нь ил цагаахан, даруу зөөлөн сэтгэлтэй, уулга алдахдаа ч "Бурхан чамайг өршөөг" хэмээн дуу алддаг юм билээ.  Тэнд нөхөрлөл гэдэг бол амь наснаас ч үнэ цэнэтэй зүйл байдаг гэж хүмүүс ярилцдаг. Тэнд хүмүүс хэзээ ч хэн нэгнийхээ орон гэрийг шатчихаасай, охин хүүхдийг нь бусад улсууд аваад явчихаасай гэж боддоггүй сурагтай. Тиймээс би дээлээ өмсөөд тийшээ явлаа. Харин монголчууд та нар дээлээ өмсөөд гудамж хотоо чимэглээд, сэтгэл зүрхэндээ Монгол үндэстэн гэдгээ марталгүй санаж, сайхан шинэлээрэй. Анхлан гаргасан авиа маань одоо нэгэнт хүчээ авч, ямар ч салхинд бүдгэрэхээргүй цуурайтаж эхэлснийг харж байна, сонсож ч байна. Тиймээс мянга мянган ухаант охид хөвгүүдтэй Монгол үндэстэн уухай, түрлэгээ үл сааруулах биз ээ.

Хаврын анхны яргуй цухуйхад эргээд ирнэ ээ. Түр баяртай, анд нөхөд минь.

Зүрх цуучих мэт сонсогдох энэ үгийг тэр хүн хэрхэн тайлбарласныг хүргэе. Б.Б: -Би үг бүхнийг нь угаасаа бодож байж бичсэн. Би өөрөө монгол хэлний багш хүн. Тиймээс үг ямар утга агуулдгийг мэдэлгүй яахав. Би чамайг тийм сүртэйгээр хүлээж авна гэж бодоогүй. Зүгээр л дараа нь "Би бичсэн гээд хэлэх гэсэн чинь" чи гэж нэг их ууртай хүн утсаа ч авахгүй байсан. Тоглоом, шоглоом, инээд наргиан болох гэсэн биш чи их хурц зантай юм болохоороо миний төсөөлж байснаас огт өөрөөр хүлээж авсан. Тэр үгнүүд бол ердөө л санаа тавьсан утга байсан. Чи сонс доо. Нөхөр чинь сохорчих вий дээ гэж өгүүлбэр байна. Тэр нь сэтгүүлч хүний үг нь мэргэн, үзэг нь хурц байх болтугай гэж бид ярьдаг биз дээ? Тэрний эсрэг утгаар л би танай нөхрийн нүд нь мэргэн хурц биш болчих вий дээ гэж санаа тавьсан юм. Охины чинь тухайд ч бас би өөрөө охин хүүхэдтэй хүн учраас охин чинь хүний гарт орчих вий дээ л гэж бодсоноо бичсэн. Байшингийн тухайд би танайд очиж үзээгүй, мэдэхгүй. /Харин би тэрхүү мэдээллийг хэн чамд дуулгасныг сайн мэдэж байгаа. /
"Охин чинь хүний гарт орчих вий дээ..." цааш унших »

"Чам шиг юм их гүрний эсрэг босдоггүй юм, хараарай" цааш унших »

Бид Бразилийн багт наадам, Оросын шар тосны баяр, Мазайлын трансжендерүүдийг үзэх гэж л гадныхан цувдаг гэж ойлгодог. Манай гаригийн хаа нэгтэй улаан лоолиор байлдаж, үхэрнүүдээс зугтацгааж, аймшгийн баг өмссөн хүмүүс гудамжинд гарцгаахыг харах гэж дэлхийн өнцөг булан бүрээс жуулчид мөнгө төлөн цувсаар байна. Америкийн метроны зорчигчид нэг өдөр бүгд өмдгүй үйлчлүүлж, нудистууд гудамжийг бүрхэн шаргалтаж, карнаваль наадмын сүр дуулиан дэлхийг донсолгож байдаг тэр л баяруудыг хүмүүс гайхамшигт тооцож байна. Харин бидэнд тэднээс ч үнэтэй, тэднийхээс ч утга учиртай олон сайхан уламжлал байдаг. Бидэнд дээлээ өмсөөд гудамжийг бүрхэж, дэлхийг гайхуулах боломж байна. Тэртээх арван хэддүгээр зуунд амьдарч байсан ноёд хатад Улаанбаатарын гудамжаар хөлхөж, цам, бөө, удганууд нь олны нүдийг хужирлаж, монгол хүн бүр үндэснийхээ хувцсыг өмсөөд жуулчдыг эх орондоо даллан дуудах боломж бий. Бидэнд талх давснаас ч амттай цагаан идээ, айраг, нэрмэл бий. Бидэнд сүрлэн овоохойноос ч үнэ цэнэ, утга учир бүхий монгол гэр бий. Бидний эдэлж хэрэглэдэг бүхэнд нүүдэлчин монголчуудын нүнжиг, сүр хүч, билэг тэмдгүүд хадгалагдан ирсэн ч жуулчид биднийг тэгтэлээ анзаарахгүй л байна.
"Эртний хаад, ноёд нь гудамжиндаа хөлхсөн, эрэмгий баатрууд нь автобусаар зорчсон..." цааш унших »

Бидний бахархалт агшин, өдөр тутамд, билэгдэлд, тэмдэглэлт өдрүүдэд, дурсамжуудад ДЭЭЛ хамт байдаг. Хэрвээ энэ байхгүй бол бид...?
"ЭНЭ ЗҮЙЛ БИДНИЙГ НЭГТГЭЖ БАЙНА..." цааш унших »

ИРЭХ ХОЁРДУГААР САРЫН 22 БУЮУ ШИНИЙН 8-НЫ ӨДРИЙГ ДЭЛХИЙН БҮХ МОНГОЛЧУУДЫНХАА ДУНД "ДЭЭЛТЭЙ ӨДӨР" БОЛГОН ЗАРЛАЖ БАЙНА. ЭРХЭМ МОНГОЛ АХАН ДҮҮС МИНЬ ДЭЭЛ ХУВЦАСАА БЭЛДЭЖ, ҮНДЭСНИЙХЭЭ ӨВ СОЁЛООР ДЭЛХИЙГ ГАЙХУУЛАХАД БЭЛДЭЭРЭЙ. ХӨГШИН ЗАЛУУ, ХҮҮХЭД, НАСТАН БҮГДЭЭРЭЭ ЭНЭ ӨДРИЙГ ДЭЭЛЭЭ ӨМСӨН ТЭМДЭГЛЭЖ ЗАНШЪЯ. ЖИЛ БҮРИЙН ЦАГААН САРЫН ШИНИЙН 8-НЫГ БИД МОНГОЛ ӨВ СОЁЛООРОО ДЭЛХИЙД ГАЙХУУЛАХ ӨДӨР БОЛГОН ТЭМДЭГЛЭЖ ЗАНШЪЯ. ДЭЛХИЙН ӨНЦӨГ БУЛАН БҮРТ БАЙГАА МОНГОЛЧУУД ТА БҮХЭН ҮНДЭСНИЙХЭЭ ХУВЦАС, ХЭЛ СОЁЛ, УРЛАГ УХААНЫХАА ГАЙХАМШГИЙГ ДЭЛХИЙН ОЛОН ТҮМНИЙ СОНОР МЭЛМИЙД ХҮРГЭЖ ЧАДНА ГЭДЭГТ ИТГЭЛТЭЙ БАЙНА. МОНГОЛ ХҮН БҮРИЙН САНАА ЗОРИЛГО НЭГ БАЙЖ, БАХАРХАЛТ ТҮҮХ, БАХАРХАМ ӨВ СОЁЛООРОО ГАЙХУУЛЖ ЧАДДАГИЙГ БАТЛАХ БОЛОМЖ БИДЭНД ГАРЧ ИРЛЭЭ. ЭНЭХҮҮ ӨДРӨӨР МОНГОЛ ХҮН ТА ХААНА БАЙГАА ГАЗРАА ДЭЭЛТЭЙ МОНГОЛЧУУДЫНХАА ЗУРАГ ХӨРГИЙГ АВЧ, БИЧЛЭГ ХИЙЖ ЦАЦАЖ СУРТАЛЧИЛЖ БОЛОХ БҮХИЙ Л СҮЛЖЭЭГЭЭР ТҮГЭЭЖ ТУСЛААРАЙ. ТА БИД БҮГДЭЭРЭЭ ЧАДНА АА.

 

"ДЭЭЛТЭЙ МОНГОЛ" ХӨДӨЛГӨӨН

Монгол Улсын Ерөнхийлөгч өнөөдөр, үндэсний соёлын өвийг ЮНЕСКО-д бүртгүүлэх асуудлаар холбогдох албаны хүмүүсийн мэдээллийг сонсч, зарим үүрэг чиглэлийг өглөө.

Уулзалтад БСШУ-ны сайд Ё.Отгонбаяр, Гадаад Харилцааны сайд Г.Занданшатар, БСШУ-ны дэд сайд Ч.Куланда, ЮНЕСКО-гийн Монголын үндэсний комиссийн ерөнхий нарийн бичгийн дарга Н.Уртнасан нар оролцсон юм.

Уулзалтын төгсгөлд үндэсний соёлын өвийг хамгаалж дэлгэрүүлэх ажлыг бодлогын түвшинд анхаарах хэрэгтэй талаар зарим тодорхой үүрэг чиглэлүүдийг Ерөнхийлөгч өгчээ.

Та бидний хичээл зутгэл талаар өнгөрөөгүй бололтой. Бас нэгэн сонирхолтой гэмээр мэдээллийг дуулгахад та бидний хамтдаа байгуулсан  үндэсний өв соёлоо хадгалан хөгжүүлэх зорилготой "Дээлтэй Монгол" сайн дурын хөдөлгөөнийхөн өчигдөр хуралдаж, анхан шатныхаа зохион байгуулалтад орсноор есөн хүний бүрэлдэхүүнтэй удирдах зөвлөлөө сонгож, ажлаа хуваарилж авлаа.
"БАЯРТАЙ МЭДЭЭ, ЗАЛУУС АА!!!!!!!!!!!!!!!" цааш унших »

http://www.petitionspot.com/petitions/khoomii/

Бүгд ийшээ ороод саналаа өгөөрэй, мэйл хаягаа бүртгүүлээд, ирсэн мэйлээ идэвхжүүлээрэй. 

Хэрэг гарвал хэрэглүүлнэ гээд байсан улсууд бүгдээрээ энэ хаяг руу бүртгүүлээд саналаа үлдээгээрэй. Бид хил хязгааргүй цахим ертөнцөд хэл соёл, үндэс язгуураараа гайхуулж чадна аа, залуус аа. Бүдүүлэг үг хэллэг, хараал бүү хэрэглээрэй гэж гуйж байна.

Тус киноны зохиолыг задлан бичих явцад зохиолыг ном болгон хэвлүүлэх санал ирсэнээр энэхүү киноны зохиолыг тууж болгон эмхэтгэсэн билээ. Киног нь үзээд зохиолыг нь уншаагүй хүмүүст зориулан "Би чамд хайртай-2" туужийг блогтоо нийтлэхээр боллоо. Тун удахгүй... Өмнө нь "Хорин жилийн дараа" туужийг энэхүү блогоос уншиж байсан уншигчиддаа зориулан мөн тэрхүү туужаа дахин нийтлэж, төгсгөлийг нь ч бас дэлгэх болно. Ингээд танд нэг киноны хоёр өөр хувилбарыг унших боломж нээгдэж байна. Тухлан саатаарай.

Б.Эрдэнэсолонго Морь унасан толгойгүй хүмүүс Монголоор нэг давхилдаж байна Үр хүүхдээ Тэдний хөлд гишгүүлчихгүйн тулд
"Морь унасан толгойгүй хүмүүс" цааш унших »